Bures boahtin kártenkursii eastadit riskkaid boazodoalus
Riikkaidgaskasaš Boazodoalloguovddáža (ICR) bealis háliidat mii bovdet du kártenkursii Guovdageainnus, Norggas, ođđajagimánu 28.b.-30.b. 2026. Boazodoallu ja Resilieansa-prošeakta ja Woodwell Dálkkádatdutkanguovddáš (Woodwell Climate Research Center) lágideaba kurssa ovttas . Kártenkurssa ulbmil lea oahpahit boazovázziid ráhkadit kártta mo eastadit beaivválaš riskka guohtuneatnamiid massima ja dálkkádatrievdama váikkuhusaid geažil.
Kursii bovdejuvvojit boazovázzit, nuorat ja doaibmaoasálaččat suokkardit mo digitála kártenbargoreaiddut sáhttet nannet boazodoalu, areálaplánema ja starggasvuođa dálkkádaga oktavuođas.
Golmma beaivvis oahpahuvvo mo kártet riskkaid boazodoalus.
• Dokumenteret báikkálaš vásáhusaid massimis guohtuneatnamiid, molssašuddi muohta- ja jiekŋadilis, ja infrastruktuvrra váikkuhusain boazodoalloguovlluin.
• Ovttastahttit eamiálbmotmáhtu ja dieđalaš máhtu vai buorebut ipmirdit ja gulahallat dálá ja boahtteáiggi rievdadusaid birra guohtunguovlluin.
• Ságastallat mo kárttat sáhttet nannet dialoga eiseválddiiguin, plánejeddjiiguin ja dutkiiguin.
Kursa sisttisdoallá praktihkalaš bargguid gos geavahuvvo GIS ja eará álkes kártenbargoreaidduid, joavkoságastallamiid ja oasseváldit galget ovttas hábmet kárttaid ja historjjáid. Ii dárbbaš ovdalaččas leat máhttu GIS geavaheamis; oasseválddit ožžot veahki hárjehallamiid vuolde.
Praktihkalaš dieđut
Dáhtonat: ođđajagimánu 28.–30.b. 2026
Báiki: Guovdageaidnu, Norga
Diehtosiiddas, Latnja: Reaššádat
Bargogielat: Eaŋgalas ja sámi
Jos orru miellagiddevaš ja háliidat oassálastit, leage buorre ja deavdde registrerenskovi ovdal ođđajagimánu 15.b. 2026:
Skovvi eaŋgalašgillii: https://forms.gle/rWEeKPJ4xcGcp9VHA
Skovvi sámegillii: https://forms.gle/minPefTukrZJV12YA
Dáhttut ahte duođaštat iežat oassálastima nu jođánit go vejolaš go oassálastiid lohkku lea ráddjejuvvon. Jos ležžet gažaldagat, váldde áinnas oktavuođa:
Marina Tonkopeeva, e-post: [email protected] tel. +4745658752
